Plagosja në Vlorë, arrestohen 2 persona, 1 në kërkim. Ja emrat

Dy persona janë arrestuar dhe një i tretë është shpallur në kërkim në lidhje me përplasjen me armë të ndodhur pasditen e djeshme në Vlorë, ku një person mbeti i plagosur me armë në një lokal në lagjen “Pavarësia”.

Burime nga policia lokale e qytetit bregdetar kanë bërë të ditur se janë vënë në pranga Olgert Shehun dhe Hajri Xhaferrin, si dhe kanë shpallur në kërkim Klevis Gjahtarin 29 vjeç.

Por sipas policisë, Shehu dhe Gjahtari akuzohen edhe për grabitje me armë në qytetin e Vlorës, pasi akuzohen për grabitjen e një makine BMW, 500 eurove dhe marrjen e disa bizhuterive qytetarit me inicialet F. M.