A po përgatite rikthimi ‘Luftës së Ftohtë’?

Rusia po mban një stërvitje masive evakuimi për më shumë se 40 milionë njerëz, të cilët po i përgatit dhe po i trajnon për një luftë bërthamore. Më shumë se 200,000 persona nga personeli i shërbimeve emergjente marrin pjesë në trajnimin masiv të mbrojtjes civile, të drejtuar nga Ministria ruse e Emergjencave.

Rusia njoftoi kohët e fundit se  ka ndërtuar strehimore nëntokësore që mund të akomodojnë të gjithë popullsinë e Moskës, gati 12 milion persona në qoftë se shpërthen lufta. Moska ka kryer të paktën dy stërvitje për sulme bërthamore që kur Vladimir Putin u bë president përsëri në 2012.

Administrata Obama ka vendosur një rekord të ri për shpenzimet e armëve bërthamore, duke tejkaluar madje edhe shpenzimet e larta të Luftës së Ftohtë në vitin 1985, në kohë e presidentit Reagan. Zyrtarët e Pentagonit kanë njoftuar planet për të vendosur 4000 trupa dhe 1700 automjete dhe kamionë në Evropën Lindore të barabarta me tre brigada, për të “kundërvepruar mbi kërcënimin rus”.

Muajin e kaluar sekretari amerikan i Mbrojtjes, Ashton Carter tha se “misionet bërthamore janë themeli i sigurisë amerikane … ato qëndrojnë mbi çdo gjë tjetër”. Qartazi  është pohuar në këtë mënyrë se dominimi bërthamor global është thelbi i politikës së vërtetë amerikane.

Por nuk ishte gjithmonë kështu. Shumë kohë më parë, në korrik të vitit 1945, edhe para Hiroshimës dhe Nagasakit, Shefat e Shtabit të Bashkuar rekomanduan se” një komb duhet të jetë gati të godasë me armë atomike vetëm nëse është e nevojshme”.

Megjithatë, Amerika kishte vetëm dy bomba të destinuara për Japoninë. Kur këto bomba rezultuan të suksesshme,  prodhimi në shkallë të plotë i bombave bërthamore vazhdoi pa ndalur. Bashkimi Sovjetik nuk kishte armë bërthamore në atë moment, por do të kishte katër vite më vonë , për të ndryshuar të gjithë rrjedhën e ngjarjeve.

Ndërkohë që britanikët strehohen nën ombrellën bërthamore amerikane, ata kanë shtuar arsenalin e vetë të armëve bërthamore. ‘Trident’ është i domosdoshme për sigurinë britanike dhe jashtëzakonisht i nevojshëm për një të ardhme të rrezikshme dhe të pasigurt, me të paktën qindra “Hiroshima” të tjera.

Ndërsa politikanët e “ndjeshëm”, e të moderuar, si Tereza May dhe Ruth Davidson pohojnë vullnetin e tyre për të eliminuar miliona persona dhe të lënë “shterp” planetin, ekstremistët e rrezikshëm që nuk do ta bënin si Jeremy Corbyn, janë quajtur si të papranueshëm.

Pra, lutjuni zotit dhe largoni municionin sa herë që shikoni ushtarë të afrohen. Vetëm ndiqni udhëzimet e qeverisë dhe mbijetoni. Mbyllni dritaret hiqni një derë dhe në vend të saj, vendosni një kënd druri, filloni të ndërtoni një “bërthamë të brendshme për strehim” dhe prisni deri sa  “gjithçka të mbarojë”.