Pogradec e Kurbin, dy gra i japin fund jetës

Dy gra, njëra në Pogradec e tjetra në Kurbin i kanë dhënë fund jetës, në dy raste të ndryshme. Ditën e djeshme, e mërkurë, në fshatin Rodokal të Pogradecit, pranë banesës është vetëvarur 49- vjeçarja H.N.

Nga deklarimet e familjarëve rezulton se gruaja vuante nga probleme të shëndetit mendor.

Po dje në Kurbin, në banesë është vetëhelmuar me fostoksinë 35- vjeçarja L.P. Gruaja u dërgua në spital për marrjen e ndihmës së nevojshme, por ndërroi jetë.

Lidhur me të dyja rastet vijojnë hetimet për të hedhur dritë mbi shkaqet që i shtynë dy gratë drejt fundit fatal.