Policët francezë ankohen: S’kemi me çfarë të brohemi

Policia franceze ka hyrë në natën e pestë të protestave në Paris dhe qytete të tjera të vendit, një lëvizje e cila nuk po tregon asnjë shenjë tërheqjeje, pavarësisht përpjekjeve të qeverisë së presidentit Hollande për të çtensionuar situatën, vetëm pak muaj para zgjedhjeve presidenciale.
Forcat policore thonë se ata nuk kanë pajisje të mjaftueshme as për të mbrojtur veten dhe kanë organizuar kështu natën e pestë të këtyre demonstratave të paautorizuara.

Qindra oficerë u mblodhën të premten në mbrëmje para katedrales së Parisit, e cila gjendet përballë zyrave qendrore të policisë ndërkohë që të tjera protesta u organizuan edhe në Calais, Lille, Toulon dhe qytete të tjera.

Duke folur nga takimi i Këshillit Europian në Bruksel, presidenti Hollande premtoi se do të takohej me përfaqësues të policisë javën e ardhshme, për të dëgjuar ankesat e tyre. Pakënaqësia e forcave policore u nxit nga një incident në një qytezë pranë Parisit, më herët gjatë këtij muaji, kur një bandë vendosi një bombë në një makinë të policisë, me 4 oficerë brenda. Unioni thotë kjo valë e zgjeruar e aktivitetit të bandave dhe sulmeve militante ka shtuar presionin mbi policinë.

Mijëra policë dhe ushtarë janë vendosur për të ruajtur aeroportet, stacionet e trenave dhe të tjera pika, në përgjigje të sulmeve islamike që kanë vrarë më shumë se 230 persona në Francë gjatë dy viteve të fundit./ora