Policia me dorë të ashpër, do testojë shoferët nëse konsumojnë drogë

Pas aksidenteve të fundit, Policia Rrugore pritet që të marrë masa më të ashpra për drejtuesit e automjeteve.

Propozimi i fundit i policisë rrugore ka të bëjë me testimin e shoferëve për të verifikuar nëse janë përdorues droge apo jo, raporton Report Tv.

Kjo masë e ashpër që pritet të aplikohet se shpejti vjen si pasojë e shifrave alarmante, pasi në harkun kohor të 4 muajve janë shënuar 5 viktima nga aksidentet e shkaktuara nga drejtues që kanë qenë nën efektin e lëndëve narkotike.

Rasti i fundit është ai i pak ditëve më parë në autostradën Tiranë-Durrës, ku Dashnor Deliallisi udhëtonte kundravajtje me automjetin e tij dhe u përplas me një makinë tjetër, brenda së cilës ishin 3 vajza. Katër persona mbetën të vdekur nga aksidenti tragjik, dhe që pas analizave rezultoi se Deliallisi ishte nën efektin e alkoolit dhe drogës.