Policia njoftohet për të shtëna në Tiranë, nuk gjen asnjë gëzhojë

Policia e Tiranës mori njoftim për të shtëna me armë zjarri ditën e sotme pranë zonës së ‘Freskut’ në kryeqytet.

Menjëherë drejt vendngjarjes u nisën patrullat e policisë, por zyrtarisht Policia e Tiranës thotë se nuk ka gjetur asnjë gëzhojë në vendin ku u raportua për të shtëna me armë.

Gjithashtu, u kontrolluan edhe spitale në rast se kishte ndonjë person të plagosur me armë zjarri, por nuk rezultoi diçka e tillë.

Blutë e kryeqytetit vazhdojnë kërkimet në zonë për të konfirmuar nëse njoftimi i qytetarëve ishte fals apo jo./syri