Politikania gjermane krahason shoqëritë që mirëpresin emigrantët me ‘pirgje plehrash’

Liderja e partisë anti-emigracionit, AfD-së, Frauke Petry, e ka krahasuar një shoqëri që mirëpret emigrantët me një “grumbull plehrash”, duke shkaktuar një breshëri kritikash nga politikanët e vendit.

Duke marrë një qëndrim kundër idesë se emigrantët e bëjnë shoqëritë më të larmishme dhe plot ngjyra, udhëheqësja dhe euroskeptikja e “Alternativës për Gjermaninë” (AfD) tha: “Cfar duhet të bëjmë me fushatën ‘Gjermania është e larmishme dhe me ngjyra’? Një grumbull plehrash është i larmishëm, gjithashtu”, raportoi gazeta gjermane “Frankfurter Allgemeine Zeitung” (FAZ.net).

Petry i bëri këto komente duke i dhënë një fjalim në Shtutgart, raporton SYRI.net, në jugperëndim te Gjermanisë të hënën.

Ajo kritikoi ashpër deklaratat e bëra nga politikanët e tjerë të cilët thanë se emigrantët e kane bërë vendin më të “gjallë”. Petry kritikoi ashpër partinë konservatore të Angela Merkel

“Modeli i këtyre njerëzve është që të trembin njerëzit” – tha konservatori, Thomas Strobl, gjithashtu ministri i brendshëm i shtetit të Baden-Wuerttemberg, për “FAZ.net”.

Strobl i quajti komentet Petry të “padurueshme” dhe “të neveritshme” dhe paralajmëroi politikanë të tillë “nuk janë shpëtimtar, por tradhtar të Perëndimit”.