Poloni, vëllai binjak i presidentit Kaczynski heton për vdekjen e tij

Vëllai binjak i presidentit polak, Lech Kaczynski i vrarë në një aksident ajror në 2010 në Smolensk, në perëndim të Rusisë, njoftoi sot se eshtrat e tij do të zhvarrosen për arsye hetimi për zbardhjen e vdekjes së 96 pasagjerëve në bordin e avionit.

“Unë pajtohem me vendimin e Prokurorisë në lidhje me zhvarrosjen e eshtrave. Për eshtrat e vëllait tim është përcaktuar respektimi i afateve kohore. Ky është rasti i parë i kryerjes së një procedure të tillë, ndoshta i pari në vendin tonë”, deklaroi Jaroslaw Kaczynski, në një intervistë publikuar në web-in online Onet.

Lideri i konservatorëve polakë (PiS) në pushtet prej një viti, Jaroslaw Kaczynski i cili mbron tezën e një atentati e cilësoi “skandaloz” hetimin e drejtuar nga qeveria e mëparshme liberale.

“Hetimi nën qeverinë e mëparshme ishte një skandal i vërtetë që duhet të çonte disa personalitete në bankën e të akuzuarve”, deklaroi Kaczynski, duke cituar veçanërisht presidentin e Këshillit Evropian, Donald Tusk (ish-kryeministër) dhe ish-kryeministren Ewa Kopacz, e cila e zëvendësoi atë pas largimit në Bruksel.

“Trupat pasi janë transportuar në Poloni, nuk kanë kaluar fazën e ekspertizës mjeko-ligjore pasi nuk u është bërë autopsia”, vijoi ai. Publikut u është mohuar e vërteta, duke vijuar më tej me arsye shëndetësore. Ndërsa trupat e ushtarëve të vrarë në misione ushtarake u bëhet autopsia sapo riatdhesohen në Poloni”, shtoi kreu I PiS-së