Popull parazit, ti je fajtori i vetëm për gjithçka! – Nga Fiorentina Spahiu

Nga Fiorentina Spahiu

Parazitizmi dhe papërgjegjshmëria, dy termat që tregojnë si cilesitë apo veçoritë e popullit ashtu edhe të politikës në tëresi dhe qeverisë në vecanti.
Ky obskurantizëm I frikshëm që ka mbështjellë realitetin tonë mundësohet nga heshtja, indiferenca, pasiviteti e papërgjegjshmëria jonë.

Jemi të papërgjegjshëm për të tashmen tonë sepse të ardhmen dyshoj ta çojmë ndërmend.
I kushtojmë aq shumë rëndësi thashethemeve, lajmeve rozë, madje madje duke marrë dhe pozita për të bërë analiza që nuk na takojnë e as që prekin interesin tonë drejteperdrejte. Rasti I fundit ishte dhe Dasma Mbretërore, një event I cili qoftë dhe sa për sy e faqe tregoi shqiptarizëm ,tradicionalizëm e modernitet, por gojët tona të liga nuk u kursyen as këtë herë që plot smirë e vrer të fillonim me kritikat tona pa sens.

Nga ana tjeter mijera studentë sërish mbetën pa klasifikuar dhe pse me mesatare mbi 9, por çfarë rëndësie ka kjo fundja. Ne u mjaftuam me sharjet nën zë, apo të nemurat “e provofsh në fëmijën tend, vdeksh, tu bëfshin lèkët ilace” e të tilla fjale boshe pa pikë vlere. Po përveç disa studenteve askush tjetër nuk beri diçka konkrete, te dilte ne shesh e te kerkonte me ngulm hakun e merituar. Qajme hallet neper kafene apo rruge “obobo cdo bej tani pa shkolle, ketu nuk jetohet, duhet ikur patjeter jashte se ky vend nuk behet” , ky eshte refreni me trendy I momentit por edhe me bajati njekohesisht. Jemi aq te manget ne aftesine tone per te gjykuar e analizuar sa na duket me e lehte te mbijetojme ne nje toke te huaj ku as shqip nuk shprehemi dot sesa te qendrojme ne vendin tone dhe te kerkojme te drejtat tona, te luftojme per to. Pse si perdorim vendet tjera ku ne enderrojme te shkojme thjesht si nje model ideal per te bere dhe vendin tone ashtu.

Qeveria aktuale eshte nder me te keqijat qe ka njohur historia e shtetit shqiptar, e kriminalizuar , e korruptuar e shume te tjera por, jemi ne pa eshte qeveria ashtu.
Qeveria me kujton ate punetorin, pronari I te cilit eshte distancuar disi nga puna, e punetori fillon perfiton e shfrytezon aq sa te mundet. Apo ate kopene e bagetive pa bari.

Ne e ushqejme veten cdo dite me idene se jemi punetori, e delja por kemi harruar qe ne jemi pronari e bariu, qe pushtetin e kemi deleguar tek nje grup njerezish te cilet supozohet se qeverisin per interesin tone te pergjithshem.
Ndaj ne duhet te ndergjegjesohemi e te kuptojme se ne jemi pergjegjesit kryesore per gjithcka po ndodh ne kete vend, si skandali ne mjekesi, katastrofa ne Arsim, ligji I plehrave, prostitucionit apo edhe shnderrimi I vendit ne parajsen e hashashit!