Prej muajsh në sherr, hakmerret duke i djegur makinën “Range Rover”

Një makinë “Range Rover” është djegur mëngjesin e sotëm në Durrës dhe disa orë më pas policia thotë se ka vënë në pranga personin e dyshuar për këtë ngjarje.

Arben Xhani 52 vjeç, banues në Durrës është arrestuar sepse mëngjesin e sotëm rreth orës 04:00, në lagjen Nr. 8 Durrës i ka vënë flakën mjetit tip “Range Rover” me targa AA 112 HU, në pronësi të shtetasit K. K.

Mjeti kishte qenë i parkuar në rrugicën pranë banesës. Nga hetimet ka rezultuar se motivi i ngjarjes ka qenë si rezultat i një konflikti midis autorit dhe të dëmtuarit para disa muajsh.