Presidenti i Iranit: Votuesit në zgjedhjet në SHBA duhet të zgjedhin midis të keqes dhe më të keqes

Presidenti i Iranit, Hassan Rouhani, ka thënë sot se zgjedhja që u ofrohet votuesve në zgjedhjet presidenciale në SHBA, është midis të keqes dhe më të keqes, dhe se shkëmbimet e ashpra gjatë debatit presidencial tregojnë se Amerikës i mungon morali.

“Amerika pohon se i ka një demokraci më të vjetër se 200-vjeçare, dhe kanë pasur 50 zgjedhje presidenciale, por nuk ka moral në këtë vend,” ka thënë Rouhani gjatë një fjalimi që u transmetua në televizionin shtetëror, transmeton Express.

“E keni parë debatin presidencial, mënyra se si flisnin…, mënyra se si ata e akuzonin dhe bënin shaka njëri me tjetrin,” ka thënë ai.

Ai ka thënë se votuesit amerikanë duhet të zgjedhin midis të keqes dhe më të keqes, por nuk ka treguar se cilit kandidat iu referoheshin përshkrimet e tij.