Projekti i ri. Erion Veliaj e ka ndarë mendjen, do ta mbushë Tiranën me kulla

Kryetari i bashkisë së Tiranës Erion Veliaj, duket se e ka ndarë mendjen për një Tiranë të kullave të larta. Në fund të fundit, pikërisht aty është edhe fitimi.

Ai ka prezantuar sot në mënyrë hollësishme planin e ri urbanistik të Tiranës, i cili e shndërron kryeqytetin e vendit, në një metropol të ndërtuar në lartësi me kulla gjigante betoni.

Ashtu si shefi i tij Edi Rama, edhe Veliaj vetëm një vit pasi ka kapur karrigen e kryetarit të bashkisë më të madhe në vend, po sillet me pushtetin, komplet ndryshe nga sa premtoi gjatë fushatës elektorale, ku ai fliste kundër betonizimit, për hapësira për fëmijët e pensionistët dhe parqe të gjelbër

Por shikoni se si e justifikon Veliaj këtë plan që ka, për të mbytur në beton, edhe ato pak hapësira që kanë ngelur veçanërisht brenda unazës në kryeqytet.

“Ka shumë njerëz që thonë, unë i urrej kullat. Nëse kemi 500 metra katrorë, a nuk është më inteligjente të përdorim vetëm 100 metra katrore dhe ta bëjmë 10 katësh, pasi ajër kemi, hapësira s’kemi…”

Duket qartë që edhe Erioni, i cili kur ka qenë shoqëri civile dhe në opozitë, fliste nga mëngjesi deri në darkë për mafien e betonit, po ecën në rrugën e mentorit të tij Edi Rama, kur ka qenë për 12 vjet kryebashkiak i kryeqytetit dhe tani si kryeministër, duke ndërtuar kulla edhe brenda një stadiumi futbolli.

SYRI.net