Prokuroria amnistoi profesorët, lënda ndaj studentëve të akuzuar çdo ditë vjetërsohet

Njëri prej rasteve më mediatike, aktakuza kundër 13 studentëve të Universitetit të Prishtinës, kryesisht Fakultetit të Mjekësisë, po shkon drejtë parashkrimit. Në një hulumtim të emisionit “Betimi për Drejtësi” në RTK, dëshmohet se si Prokuroria kishte heshtur dhe nuk ishte marrë me profesorët, të cilët sipas përgjimeve të sms-ve, tregonin se kishin bërë bërë dallavere për regjistrimin e studentëve dhe poashtu kishin kryer provimet përmes ryshfetit.

Prokurori i kësaj lënde, Abdurrahum Islami, thotë se për shkak të lëndës voluminoze dhe kompleksitetit të saj, kishte vendosur të hetonte dhe akuzonte vetëm studentët. Megjithatë, sipas tij, as profesorët nuk do të falen. Për hetimin e tyre, prokurori Islami thotë se kishte kërkuar nga Njësia e Krimeve Ekonomike në Policinë e Kosovës që të hetojnë të gjitha veprimet e profesorëve, të cilët ishin përmendur nëpër sms. Ajo që hulumtimi nxjerr në shesh dëshmon se prokuroria kishte hetuar dhe akuzuar vetëm studentët, ndërsa profesorët nuk ishin ndjekur fare.

Gjithashtu, shqetësuese mbetet fakti se veprat penale për të cilat akuzohen edhe studentët, çdo ditë po vjetërsohen. Gjykata po sfidohen për të zhvilluar këtë proces gjyqësor për shkak të mungesës së prokurorëve dhe palëve tjera në procedurë, të cilat nuk po prezantojnë në seanca gjyqësore të këtij rasti. Sipas këtij trendi, gjithë lënda mund të hudhet në shportë për shkak të arritjes së afatit të parashkrimit. Për më tepër ndiqni hulumtimin e ekipit të emisionit “Betimi për Drejtësi”.
https://youtu.be/anRK_Rjvkqc