Propozimet për republikën e re/ Gazetari i ekonomisë rrëzon profesorët e UET

Pas propozimit të 7 profesorëve të UET-së për reformizmin e Shqipërisë, ka reaguar gazetari i ekonomisë Klodian Tomorri, i cili shtron disa pyetje për këtë platformë.

Sipas profesorëve, propozimi vjen nga nevoja për të përmirësuar Shqipërinë dhe ekonominë e vendit edhe pse ai përmban tema jo fort të pëlqyeshme për populizmin. Ndërsa gazetari Tomorri përmes një analize të shkurtër rrëzon teorinë e profesorëve të UET.

Reagimi i gazetarit Klodian Tomorri:

Shqiperia sipas profesoreve te UET
7 profesore te UET-se synojne te hapin nje debat te gjere mbarekombetar duke propozuar nje platforme me reforma kushtetuese dhe ekonomike per te krijuar ate qe ata e quajne Republika e Re.

E para nisma meriton te pergezohet. Kontributi i botes akademike ne politikat publike dhe sfidat e mireqeverisjes eshte gjithmone i mirepritur pasi prodhon vetem pasoja pozitive. Ne kete aspekt une shpresoj se ketij debati, do i bashkangjiten edhe Universitetet apo qendrat e tjera te inteligjences se vendit.

Se dyti, eshte pozitive qe ftohet opinioni publik dhe elita politike ne debatin per arritjen e nje pakti kombetar qe synon te shtroje piketat e zhvillimit te vendit ne 10 vitet e ardhshme.

Thene kete, disa komente per reformat e propozuara.

1- Reforma kushtetuese dhe politike duhet te synoje thjeshtimin e ingranazhit qeverises dhe institucional te vendit dhe jo berjen e tij me kompleks. Ngritja e nje senati mund ta bente me te veshtire qeverisjen e vendit duke krijuar ngerce deri ne pamundesi qeverisje, sic eshte rasti i Italise.

2-Rritja e pagave te qeveritareve dhe sherbyesve publik nuk e ul korrupsionin. Perkundrazi shume studime kane treguar se ka efektin e kundert; rritja e pagave con ne rritjen e korrupsionit dhe shpjegimi qe i japin ekspertet lidhet me pritshmerite. Populli thote: Oreksi vjen duket ngrene

3-Edhe pse jane te pashoqeruara me efektet financiare, duket qarte qe propozimet e paraqitura nga profesoret e UET, nje universitet i veteshpallur si promotor i mendimit te djathte ekonomik, cojne praktikisht ne nje shtet me te madh dhe me intervencionist. Kjo eshte e majta.

4-Nga ana tjeter mbetet e paqarte se si taksa e sheshte qe propozohet ne nivelin 12 per qind, unike mbi kapitalin, punen dhe gjithe llojet e te ardhurave, mund te financoje reformat qe propozohen dhe nje sektor publik me te madh, pa rritje te borxhit.