PS në panik nga ikja e Blushit e Hafizit: Na kthe mandatin. Blushi: Kujt t’ja jap mandatin, Roshit, Armandos apo Arben Ndokës?

Partia Socialiste është përfshirë nga paniku pas deklarimit publik të deputetit Ben Blushi se ai dhe deputetja Mimoza Hafizi largohen nga partia. Për të ju përgjigjur Ben Blushit për largimin nga partia, nuk foli kreu i grupit parlamentar Gramoz Ruçi, por njeriu i afërt i Edi Ramës, Taulant Balla.

Ky i fundit i kërkoi Blushit që PS ti kthehet mandati pasi është fituar si socialist.

“Na kthe mandatin që ke marrë me PS. Ti sot mohove ato që ke thënë vetë në sallë. Kur socialistët vriteshin, ti flisje si Saliu. Nuk e kemi kanabizuar Shqipërinë, e kemi luftuar”, tha Taulant Balla gjatë fjalës së tij.

Por i menjëhershëm ka qenë edhe përgjigja e Ben Blushit. “Kujt të ja kthej mandatin, Elvis Rroshit, Armandos apo Arben Ndokës, të cilët të vijnë e të gjejnë një strehë vorfënore këtu, që të mbrohen nga ato që kanë bërë”.