Punonjësit e ARMO sërish në protestë, s’janë paguar prej 17 muajsh

Punonjësit e Import – Eksportit ose të FIETEK në Vlorë, kanë protestuar pranë zyrave të Uzinës së Përpunimit të Naftës në Ballsh.

Sipas tyre, kompania ARMO nuk i ka paguar prej 17 muajsh dhe pse punëtorët e tjerë të uzinës i kanë marrë pagat e prapambetura.

Gjatë takimit me përfaqësues të administratës së re të uzinës, iu është thënë se nuk mund t’u japin rrogat, pasi është përgjegjësi e tjetër firme, por megjithatë iu është dhënë një shpresë në zgjidhjen e problemit.

Punëtorët thanë se ata do të vazhdojnë të grumbullohen para zyrave derisa të vendoset që ata të marrin rrogat e prapambetura./abcnews