Qëlluan me armë furgonin në Velipojë, pranga vëllezërve. Fshiheshin te kushëriri

Arrestohen dy vëllezërit, të akuzuar se qëlluan me armë ndaj një furgoni në Velipojë, nga e cila për fat nuk pati viktima.

Mësohet se në kuadër të operacionit të koduar “Exit” u arrestuan Edmond dhe Kristian Vushmaqi, 27 vjeç dhe 24 vjeç, të cilët qëlluan drejt mjetit ku ishte pasagjer 42-vjeçari me inicialet K.M,, banues në Velipojë.

Bëhet fjalë për një ngjarje të ndodhur më 26 shtator të këtij viti në Velipojë. Vëllezërit u arrestuan në fshatin Grizhë të Malësisë së Madhe, në banesën e një të afërmi të tyre.

Materialet iu referuan Prokurorisë së Rrethit Gjyqësor Shkodër për veprën penale “Vrasje në rrethana cilësuese ndaj dy ose më shumë personave” e mbetur në tentative e kryer në bashkëpunim” dhe “Prodhim dhe mbajtje pa leje e armëve dhe municioneve luftarake dhe armëve të gjahut”.