Rama del nga binarët, pas ‘Lolitës’, Rilindja sulmon edhe ‘Çmendinën’

Duket se nuk kanë të ndalur sulmet kundër mediave online, që tallen dhe kritikojnë skandalet e Rilindjes së Edi Ramës.

Pas faqes “Lolita”, mbylljes së portal “Hashtag.al”, një tjetër faqe popullore në FB “Çmendina Dublim”, është sulmuar duke censuruar video të shumta, ku ironizohet kryeministri Edi Rama. Lajmi është dhënë sot nga vetë administratorët e kësaj faqeje të cilët premtojnë njëkohësisht se nuk kanë ndërmend të ndalen në misionin e tyre për të kritikuar në mënyrën e tyre Rilindjen që tashmë është shndërruar në një subjekt ideal për humor.

Sipas administratorëve të kësaj faqeje, në të cilën dublohen në shqip video humoristike me temë politiko-sociale, shumë prej materialeve që janë censuruar, janë video që flasin kryesisht për kryeministrin Edi Rama, si dhe të tjera që me shumë humor kritikojnë e vënë në lojë pushtetin dhe pushtetarët.

Administratorët e faqes, në reagimin e tyre të sotëm, akuzojnë drejtpërdrejtë qeverinë dhe  paralajmërojnë se do të kthehen edhe më të fuqishëm.