Rama në Beograd kujton dronin në stadium: E mbani mend ç’ndodhi 2 vjet më parë

Agjencia e serbe e lajmeve Tanjug citoi sot fjalën e kryeministrit shqiptar në Forumin e Biznesit Serbo-Shqiptar në Nish kur Edi Rama tha se “ky është shembulli më i ndritur sesi marrëdhëniet ndërmjet dy vendeve, pavarësisht nga dallimet, udhëhiqen nga e mira e qytetarëve të të dy vendeve,” citon Syri.net.

Sipas Tanjug, Rama kujtoi që në hapje të forumit se dy vjet më parë në Beograd, u zhvillua një ndeshje futbolli ndërmjet Serbisë dhe Shqipërisë në Beograd dhe në atë lojë u ngrit një dron në stadium me flamurin shqiptar.

“Ju e mbani mend se çfarë atmosfere u krijua dy vjet më parë dhe asnjeri prej nesh nuk mund ta imagjinonte takimin e sotshëm,” tha Rama.

Ai shtoi se Forumi i Biznesit ndërmjet dy vende është dëshmia më e qartë sesi marrëdhëniet mes dy vendeve, pavarësisht nga dallimet që ekzistojnë, janë duke u zhvilluar në drejtimin e duhur, në t mirë të qytetarëve dhe nevojave të tyre .

Rama falenderoi kryetarin e Dhomës Serbe të Tregtisë, Mark Cadez, që, siç tha ai, ishte motori i i gjithë sipërmarrjes duke çuar aq shumë biznesmenë në Nish si dhe Presidentin e Dhomës së Biznesit të Shqipërisë, Luan Bregasin.

“Ata bënë gjithçka për kurorëzimin e kësaj përpjekjeje të rëndësishme që nga fillimi i saj,” tha Rama.

Po ashtu falenderoi Drejtoren Rajonale të BB, Ellein Goldstein, që ndihmoi për të ringjallur një plan të përbashkët veprimi mes dy vendeve për të lehtësuar tregtinë dhe ndërveprimin ekonomik dhe plani është konvertuar në detyrime të përbashkëta për dy qeveritë.

Sipas fjalëve të Ramës, tregjet e Serbisë dhe Shqipërisë janë shumë të vegjël dhe për këtë arsye është e rëndësishme që në një botë kaq shumë agressive, ata që investojnë në Beograd, Tiranë apo Podgoricë, të përpiqen për të dalë dhe në tregun rajonal.