Rama: Nuk i marr leje askujt për të folur për Kosovën

Politikanë dhe analistë të ndryshëm në Kosovë kanë dalë kundër Kryeministrit Edi Rama, duke i thënë që të mos fliste në emër të Kosovës gjatë vizitës së tij në Serbi ku bisedoi me Kryeministrin serb Aleksandar Vuçiç.

Kryeministri shqiptar u është përgjigjur të gjithë kritikëve që e akuzojnë mos flasë në emër të shtetit kosovar.

I ftuar në emisionin “Studio e Hapur” në News24, Rama tha se nuk flet në emër të Kosovës, por për Kosovën.

Kryeministri ka shtuar se për të folur për Kosovën dhe jo në emër të Kosovës, nuk është e nevojshme që t’i marrë leje askujt.

“Unë nuk i marr dorën kujt se kur dhe me kë do flas për Kosovën. Unë nuk bëj asnjë negociim për Kosovën”, ka thënë Kryeministri Edi Rama.