Rama përgënjeshtron Blushin…”Me Nanon s’bëri asnjë punë, me mua botoi 3 libra”

Kur deputetët largohen nga partia, duket se dalin në pah qëndrimet që kryetari ka ndaj tyre.

I tillë është edhe rasti i Ben Blushit, i cili është larguar së fundi nga Partia Socialiste së bashku me deputeten Mimoza Hafizi për të krijuar partinë e tyre. Kryeministri Edi Rama duket se nuk ka qenë i kënaqur me punën e Blushit, apo këtë e thotë thjesht për të justifikuar faktin që deputeti la partinë.

“Meqë ka ikur nga partia mund të thyej heshtjen por për të thënë shumë thjesht, Ben Blushi ka patur dy kryetarë në parti Fatos Nanon dhe mua. Me Fatos Nanon u bë nja tre herë ministër dhe s’bëri asnjë punë. Me mua s’bëri asnjë punë por bëri nja tre libra, romane. Dhe e vetmja gjë që unë do t’i sugjeroja nëse do kisha mundësi do ishte që tani që është akoma me këtë mllefin atomik ndaj PS-së, të bëjë edhe një libër tjetër, një roman sepse kur të bëjë partinë e tij s’do bëjë më as punë dhe as romane. Kështu mendoj unë për Ben Blushin”, tha Rama në emisionin “Studio e Hapur”.

Kryeministri mohoi ti ketë kërkuar votën për një mocion që po përgatitej. 

Unë t’i kërkoja votë anëtarëve të PS-së? Nuk kam kërkuar votë sepse nuk kam dyshuar për asnjë moment që anëtarët e grupit parlamentar përfshi edhe Ben Blushin nuk do ta përkrahnin një mocion të tillë nëse ky do të ndodhte”, tha Rama.