Renditja e FIFA-s, Shqipëria në rënie të lirë, humbet 7 pozicione

Humbja kundër Spanjës pritet ti kushtojë 7 pozicione Shqipërisë në renditjen mujorë të FIFA-a. Në bazë të formulës që ndjek institucioni më i lartë i futbollit në botë, Shqipëria pritet të pozicionohet në vendin e 47-të.

Gjatë muajit tetor, Shqipëria zhvilloi 2 ndeshje të vlefshme për kualifikueset “Rusi 2018”, ku mposhti Lihtenshtejnin në transfertë dhe humbi në shtëpi përballë Spanjës. Në të dyja ndeshjet rezultati ishte i njëjtë, 0-2. Që në fillimin e kualifikueseve, Shqipëria është duke humbur vende në renditjen botërore edhe pse rezultatet kanë qenë pozitive.

Kjo vjen për shkak se rivalët me të cilët kuqezinjtë kanë fituar gjenden shumë poshtë në renditje, pra kanë një koeficient të vogël dhe suksesi ndaj tyre vlen shumë pak. Këtë muaj kombëtarja e De Biazit është kaluar në renditje nga Greqia dhe Serbia, të cilat mbajnë vendet 42 dhe 43 përkatësisht.

Grekët u rritën 6 vende, ndërsa serbët 7 në krahasim me muajin e kaluar. Ndërkohë Kosova edhe pse pësoi dy humbje në kualifikueset e muajit tetor, 0-6 ndaj Kroacisë dhe 3-0 ndaj Ukrainës, ka fituar 4 vende në renditje duke u ngjitur e 164-ta. Renditja e FIFA-s pritet të behet zyrtarë ditën e enjte.