Renditja/ Michael Jackson vijon të “shesë” edhe pas vdekjes

Listën e sivjetshme të më të paguarve post mortem e kryeson Michael Jackson.

Për të katërtin vit rresht, mbreti i popit vazhdon të mos e lëshojë pozicionin e tij në krye të listës së yjeve që kanë ndërruar jetë, por që sjellin fitime.

Ai ka shtyrë më poshtë në renditje ikonat e muzikës Prince dhe David Bowie, që u shuan këtë vit. Jackson, i cili vdiq në 2009-n, ka në emrin e tij 825 milionë dollarë fitime për 2016-n.

Shitja e albumeve të Prince u rrit me vdekjen e këngëtarit nga një mbidozë aksidentale mjekimesh në muajin prill. Revista “Forbes” e rendit atë të pestin me 25 milionë dollarë fitime gjithësej, duke e vendosur pas Elvis Presley, që numëron 27 milionë dollarë.