I riu që kërcënon se do të hidhet nga vinçi: Ja ç’më ka bërë Dritan Leli

I riu Erion Selimaj i cili kërcënon të vetëvritet duke u hedhur nga një vinç brenda ambienteve të ish stadiumit Qemal Stafa në kryeqytet, thotë se shteti e ka lënë rrugëve.

Ai thotë se policia e akuzon sikur ai ka qëlluar babin e tij dhe se kërkojnë ta fusin në burg. Sipas tij fajtore për këtë është drejtoresha e Konviktit Industrial në Vlorë, Zare Balla dhe kreu i Bashkisë së Vlorës, Dritan Leli.

“Më akuzojnë se kam rrahur babanë. Nxorën tre dëshmitar të rremë, Zare Balla dhe dy familjarë që ndodhen në konviktin industrial në Vlorë. Babai im është i sëmurë mendor dhe ndodhet i shtruar në spital,” thotë ai teksa kërkon që shteti ta ndihmohjë, t’i gjej strehim dhe një punë.

“Shteti duhet të paguajë qiranë dhe të më gjej punë. Kërkoj ndihmë tek avokati i popullit,” janë kërkesat e tij.

Pavarësisht negociatave të policisë me të, i riu Selimaj thotë se nuk do të zbresë pasi nuk ka besim tek asnjë institucion në Shqipëri.