I rrahu mamanë, vajza tenton të vrasë babain

Një vajzë 17-vjeçare është arrestuar nga policia italiane për tentativë vrasje të babait të saj, një 44-vjeçari shqiptar, të cilin e goditi me thikë në gjoks, sepse po sulmonte mamanë e saj në apartamentin ku ajo jetonte më të ëmën në rrugën “Monte Rotondo”, në Milano.

Ngjarja ka ndodhur rreth orës 21:50 të së premtes, kur burri ka goditur ish gruan italiane dhe i ka vendosur duart në fyt.

Vajza ka tentuar të lirojë të ëmën dhe pasi nuk ia arriti, ka goditur babain me thikë në gjoks.

I lënduari është transportuar në spitalin “Niguarda”, ku u operua gjatë natës. Gjendja e tij është e rëndë, por ndodhet jashtë rrezikut për jetën. I lënduari ka qenë me precendtë për vepra penale të lidhur me drogën. /Syri.net/