I rrahu të ëmën me rrip, djali denoncon babain e droguar. Në banesë gjenden 2 kg drogë

Një 43-vjeçar shqiptar është arrestuar në Itali, pasi i biri ka lajmëruar policinë se ai i ka rrahur mamanë me rrip, raportojnë sot mediat lokale, shkruan Syri.net.

Në pranga është vënë 46-vjeçari K.A., me banim në Breshia. Ai ka dhunuar bashkëshorten e tij me rrip para vajzave të moshës 16 dhe 8-vjeç. Policia ndërhyri në shtëpinë e 46-vjeçarit, pas lajmërimit të djalit në moshë madhore të çiftit, i cili nuk jeton me prindërit.

Ai është lajmëruar nga motra e tij më e vogël. Gruaja e dhunuar është transportuar me autoambulancë në spital. Kur policia mësyu në banesë, pranë gruas ishte ende rripi me të cilin ajo ishte rrahur nga i shoqi.

Ajo i tha efektivëve se, së fundmi, bashkëshorti i saj i cili është pa punë, ka halucinacione “sikur të merrte diçka”. Në fakt, në banesë janë gjetur ilaçe të shumta.

Drogë në banesë

Agjentët gjetën kokainë në dhomën e gjumit, nga e cila doli shqiptari me ardhjen e trupave të policisë në banesë. Mbi komodinë, ishte një pjatë me mbetje kokainë, një kartë supermarketi që gjithashtu kishte gjurmë kokaine, një brisk rroje, një peshore, dhe një qeskë brenda së cilës kishte 21 gr kokainë.

Mes të brendshmeve të gruas, në një sirtar, ishin fshehur materiale për të përzier drogën. Në një sirtar në kuzhinë, u gjetën dy peshore, ndërsa një tjetër u gjet në kuzhinë, pranë një filxhani brenda së cilës kishte “pluhur” të presuar, (përzierës për kokainën).

Së fundmi, u gjetën tre paketime me marijuanë, me një peshë totale 1.7 kg, shkruan Syri.net.

Alarmin e dha fëmija i madh

Ai që lajmëroi policinë ishte djali më i madh i çiftit. I riu, që prej disa kohësh nuk jeton më me prindërit, u ka treguar efektivëve për sjelljen e dhunshme të babait.

Në shtëpi, me prindërit, jetonin dy motrat e tij, 16 dhe 8-vjeçe. Ka qenë kjo e fundit, ajo që i ka kërkuar ndihmë vëllait të saj. Ky i fundit i kishte ndërprerë marrëdhëniet me të atin, por i telefononte vazhdimisht nënës së tij.

Pak orë para episodit të fundit të dhunës, i riu ka shkuar në banesën e prindërve, por është sulmuar nga i ati.