Rrëfimi tronditës/ “Njerku më përdhunonte në sy të nënës, sa herë e refuzoja më rrihte”

12 vitet e jetës së saj nuk ngjasojnë aspak me ato të një fëmije të zakonshëm. Është e rritur para kohe, në trup e mendje. Vajza e një çifti të ndarë që jetonte me të ëmën dhe njerkun, i cili akuzohet se e ka dhunuar seksualisht që 6 vjeç.

Sot, e rikthyer sërish tek i ati, ndihet më e qetë kur kujton se nëna e saj Ylvie Yzeiri ndodhet pas hekurave me bashkëjetuesin, Ilmi Hoxha, 52 vjeç. Në një intervistë ekskluzive për “Pasdite në Top Channel”, ajo rrëfen makthin e dhunës së gjatë seksuale nga njerku, dhe pohon faktin më të rëndë të të gjithë kësaj historie: se e ëma shikonte çdo skenë.

Gëzim Yzeiraj, i ati i vajzës, ka qenë i pari që ka denoncuar dhunën seksuale ndaj të bijës, pesë vite më parë. Sipas tij, askush nuk e besoi në polici. Përkundrazi, e akuzuan për kallëzim të rremë.

Kësaj here, ai do ta mbrojë të vërtetën deri në fund. “Erdhi njëherë vajza këtu dhe më tha që ai më zhvesh dhe më fërkon, ka qenë 7 vjeçe. Shkova në polici dhe denoncova, madje vajza foli dhe me psikologe. Por nuk ma morën për bazë dëshminë, më akuzuan më dëshmi të rreme. Vajza më pas iku tek nëna. Pres gjyqin se unë nuk kam çfarë të bëj tani. Të kishte qenë për mua, do i kisha vënë flakën dhe do isha ngrohur 10 minuta. Por tani se bëjë dot.”, tha babai i vajzës.

Në fshatin Mbyet të Fierit, takojmë dhe të vetmin person që mohon me forcë çdo akuzë të ngritur ndaj Ilmi Hoxhës. Është nëna e tij, 90-vjeçare, Hanko Hoxha. “Jo nuk e besoj. Janë rruspie ato o shpirt. Një rruspie shpif çdo gjë. Për kokën e të gjithëve ai nuk e ka bërë. Le që ai kishte grua. Por sa ka bërë kurrë”, pohon e moshuara.
vajza e dhunuar
INTERVISTA ME 12-VJECAREN

Kur të kanë filluar problemet me atë njeri që ka abuzuar me ty?
Kam qenë 6 vjeçe. Me mua nisi të luanët dhe më pas pas 3 muajsh nisi të kryente marrëdhënie me mua.
A kuptoje në atë moshë?
Në atë moshë nuk e kuptoja se çfarë po ndodhet. Po kur u rrita e kuptova dhe më pas i tregova dajës historinë. Daja më këshilloj që t’i vinim e ti tregonim babait. Pasi ai siç bënte me mamin, mund të bënte edhe me mua, të më nxirrte me njerëz të tjerë. Më godiste, më kërcënonte dhe më thoshte se ‘Kur të vesh andej, po tregove, do të vras ty, mamin dhe vëllain’.

I flisje mamit i tregoje ato që ai të bënte?
Mami ishte vetë aty përzëntë. Më thoshte se nuk po të bën gjë, se çdo femër i bën këto gjera.

Ai si sillej me ty? Ishte fanatik?
Ai ishte shumë xheloz. Kur dilnim, ai dilte para meje ose mbrapa.

Cilat ishin rastet kur ai të dhunonte ty?
Kur unë e refuzoja, kur nuk doja të kryerja marrëdhënie me të.
Po mamaja e tij e moshuar që jetonte me ju si reagonte? A ndërhynte kur shihte këto gjëra?
Ndërhynte gjithmonë, edhe për mamin kur ai e godiste, edhe për mua. Po ai nuk pyeste fare, edhe nënën e vet e godiste.

Po me mamin tënd si sillej?
Shumë keq. E godiste. Kur ajo i thoshte ‘Ik në punë’ ai e godiste e i thoshte ‘si e kemi lënë, do punosh ti për mua’.

Çfarë pune bënte mami?
Mami dilte me njerëz të tjerë.

Ke frikë që nëse ai del nga burgu të rrezikohet jeta?
Kam frikë.

Ke ti forcën për të vazhduar përpara?
Kam.

Çfarë do dojë të bëjë tani në jetë?
Të shkollohem si gjithë të tjerët.

Do e falësh ndonjëherë mamanë tënde që nuk të mbrojti?
Asnjëherë se fal, pasi ishte ajo e para që e kishte fajin.