Rrëmben vajzën 6 vjeçe dhe e vret, në kërkim njerka

Rrëmbeu vajzën e bashkëshortit të saj vetëm 6 vjeçe dhe e çoi në një vend të izoluar, për ta vrarë në mes të ditës duke i prerë fytin.

Nuk dihen ende motivet e këtij veprimi, por gruaja duket se është shtirur si nëna biologjike e së voglës, Reem Al Rashidi, duke shkuar në shkollë për ta marrë, para se të përfundonte mësimi.

Nuk dihet identiteti i gruas, e cila hyri në shkollë duke përdorur dokumente false për të marrë të voglën. Kur familjarët e së miturës nuk e panë Reem jashtë shkollës, këtë të hënë, denoncuan zhdukjen e saj, shkruan noa.al.

Por nga hetimet dhe kërkimet e policisë, u gjet vetëm kufoma e vogëlushes, në një zonë të izoluar, në mes të një pellgu gjaku.

Ngjarja e rëndë ka ndodhur në Arabinë Saudite, në Al Ahsa, nga ku gruaja u arratis pas krimit. Policia tha se skena e krimit ishte tronditëse, ndërsa dyshimet bien mbi gruan e re të babait të vogëlushes.