“Rrezja e vdekjes”, arma më e re e Rusisë (FOTO)

Një armë e re është zbuluar nga zyrtarët rusë, e cila është ndërtuar për të çaktivizuar avionët pa pilotë, madje edhe raketat deri në një kilometër larg.

Mostra e parë e kësaj arme është zbuluar nga Ministria e Mbrojtjes së Rusisë, e cila thotë se “Rrezja e vdekjes” do të përdoret për të çaktivizuar dronët e armikut, duke i shkaktuar atyre humbje të kontrollit, transmeton tch.

Arma e re është ndërtuar nga Rusia në bashkëpunim me kompaninë UIMC. “Tashmë efektiviteti i kësaj arme është provuar dhe ka dhënë rezultat.

Kjo është një armë krejtësisht e re, e cila nuk është krijuar nga asnjë shtet tjetër megjithëse ka pasur tentativa”, tha një zyrtar, i cili shtoi se “Rrezja e vdekjes” përdor impulse me frekuencë të ulët për të bllokuar avionët e telekomanduar. /albeu.com/