Rritet sërish numri i azilkërkuesve shqiptarë në Gjermani

Numri i shqiptarëve që kërkojnë azil në Gjermani është rritur sërish gjatë muajit shtator, sipas raportit të fundit të Eurostat, institutit të BE-së për statistikat.

Në shtator, 2.250 shqiptarë kanë kërkuar azil në Gjermani, numri më i lartë për këtë vit.

Në janar, ky numër ishte 1.200, kurse në mars vetëm 825 shqiptarë u regjistruan si azilkërkues.

Por, numri nisi të rritej sërish në vetë duke shkuar në 1.390 në korrik, 1.635 në gusht dhe 2.250 në shtator.

Në total nga janari në shtator, 11.895 shqiptarë kanë aplikuar për statusin e azilantit. Ky numër është katër herë më i ulët se sa ishte në vitin 2015, ku mbi 44 mijë veta kërkuan azil.