Rrokadë në Policinë e Shtetit. Ja kush ikën

Ndryshime janë bërë në radhët e policisë ditën e sotme. Ermal Muça, i cili mbante postin e zëvendësdrejtorit të Policisë së Tiranës, është emëruar drejtor i Policisë së Lezhës.

Emërimi i Ermal Muçës në këtë detyrë ka ardhur pas pezullimit të Dritan Lenjës.

Pezullimi i këtij të fundit u bë në muajin korrik, pas disa akuzave të ngritura ndaj tij, nga Shërbimi i Çështjeve të Brendshme dhe Ankesave.

Nga ana tjetër, Ermal Muça, deri më tani mbante postin e zv.drejtorit për Krimet në Drejtorinë e Policisë së Qarkut Tiranë.

Muça ishte emëruar tek Sektori i Krimeve të Rënda në policinë e kryeqytetit në 5 maj të 2015.