‘Rugovasit’ kërcënojnë Mustafën: Isa mos gabo të kthesh demarkacionin

Grupi ‘Rugovasit’, janë rikthyer sërish të kërcënojnë, këtë herë e kanë me kryeministrin Isa Mustafa.

‘Rugovasit’ të cilët morën përgjegjësinë e sulmeve me bomba në Prishtinë, siç ishte ai tek Parlamenti dhe tek shtëpia e drejtorit të Radio Televizionit të Kosovës, Mentor Shalës, janë rikthyer me mesazhet e tyre elektronike.

Një të tillë e kanë dërguar edhe sot, duke kërcënuar kryeministrin e Kosovës, Isa Mustafa, dhe duke e porositur ‘që të mos gabojë e ta kthejë Demarkacionin në Parlamentin e Kosovës’.

‘Isa Putini po tenton me kthy demarkacionin. I bojm thirrje mos me gabu me kthy. Jo rasisht te vorret ne Prishtine e kem lon ni predhe, te prroni ne jug te vorreve. I bojm thirrje edhe gjithe deputetve mos me gabu mifal tokat tona’, ku është mesazhi kërcënues I dërguar kryeministrit Mustafa.