Samsung: Nuk do të prodhojmë më ‘Galaxy 7 Note’

Gjiganti teknologjik koreanojugor Samsung ka lëshuar një deklaratë publike ku ka njoftuar se kanë ndaluar përgjithmonë prodhimin e telefonëve ‘Galaxy 7 Note’.

Samsung ka ndërmarrë këtë hap për shkak të ankesave të shumta nga konsumatorët se ky lloj i telefoni po shpërthen edhe pse është lloji më i ri në treg.

Në fillim të lansimit të këtij edicioni, konsumatorët e dëmtuar kompensoheshin me një tjetër telefon që parashihej të jetë më i avancuar por që eksplodimi i tyre ishte sërish i paevitueshëm.

Përdorues të shumtë të këtij telefoni kanë shpërndarë nëpër internet përvojat e tyre me këta telefona dhe në secilin imazh shihet eksplodimi i tmerrshëm i cili lirisht mund të jetë vdekjeprurës nëse gjendet afër fytyrës apo në pjesë të ndjeshme të trupit në momentin e shpërthimit.

Tani kompania ka kërkuar nga të gjitha lokalet nëpër botë që të tërheqin nga tregu i tyre këta telefona.

“Pasi që prioriteti jonë i parë janë konsumatorët ne jemi detyruar që të ndërkrejmë përgjithmonë prodhimin e ‘Galaxy 7 Note’. Jemi duke kërkuar fajin në manifrakturimin e brendësisë së këtij telefoni dhe do të bëjmë publike gjetjet tona”, thuhet në komunikatën e kompanisë Samsung.