Scott: S’është i zakonshëm kushti i BE-së Serbisë me njohjen e Kosovës

Ambasadori amerikan në Beograd, Kyle Scott, ka thënë se do të ishte e pazakonshme që në fund të bisedimeve ndërmjet Bashkimit Europian e Serbisë të kërkohej që Beogradi të njohë pavarësinë e Kosovës si kusht për anëtarësim në BE.
Siç njofton agjencia serbe e lajmeve “FoNet”, Scott në një intervistë për javoren e fundit Nedeljnik, ka thënë se “as të gjitha vendet anëtare të Bashkimit Europian nuk e kanë njohur pavarësinë e Kosovës, prandaj “do të ishte e pazakonshme që BE-ja ta kërkonte këtë nga Serbia”.

Sipas Scott, më e rëndësishmja është qasja që shpie drejt normalizimit të marrëdhënieve të Serbisë e Kosovës për të cilin janë të përkushtuara qeveritë në Beograd dhe në Prishtinë, transmeton “Koha.net”.

“Për serbin e rëndomtë që jeton në Kosovë, mu sikur dhe për shqiptarin e rëndomtë që jeton në Kosovë, statusi formal i Kosovës duhet të jetë i parëndësishëm”, ka thënë Scott.

Njerëzit duhet të vazhdojnë jetën e vet, të bashkëpunojnë e të tregojnë me fqinjët dhe të merren me punët e veta të përditshme, citon “FoNet” të ketë thënë Scott.