Sejdiu: Qeveria ka kontrabanduar ligjin për ‘Trepçën’

Nënkryetari i Lëvizjes Vetëvendosje, Dardan Sejdiu ka shprehur edhe njëhere kundërshtimin e Vetëvendosjes për ligjin e Trepçës. Ai ka thënë se Qeveria me këtë votim e ka kontrabanduar ligjin për ‘Trepçën’, shkruan Gazeta Express.

“Qeveria me këtë ligj na ka sjellë në situatë ku në secilin nen të këtij ligji sigurohet që privatizimi të bëhet heshturazi, Trepça të shthuret dhe të shitet njësi për njësi biznesore, pra të privatizohet” ka shtuar Sjediu gjatë një konference për media.

Kuvendi i Kosovës brenda një seance maratonike që ka zgjatur më shumë se 10 orë ka miratuar në lexim të parë dhe të dytë ligjin e “Trepçës” që e bën Qeverinë e Kosovës me 80 për qind dhe punëtorët me 20 për qind aksionarë të gjigantit ekonomik të Kosovës.

Në votim nuk morën pjesë deputetët serbë, ndërsa Lëvizja Vetëvendosje ka abstenuar. Ligji kaloi me mbështetjen e deputetëve të koalicionit qeverisës dhe të subjekteve obozitare AAK dhe NISMA për Kosovën