SHBA, fushata në kaos. Republikanët kërkojnë ikjen e kandidatit të tyre Trump

https://www.youtube.com/watch?feature=player_embedded&v=C-Rr7CO59HY

Më pak se një muaj nga dita e votimit është krijuar një kaos i vërtetë në fushatën zgjedhore amerikane.

Gjithçka erdhi pasi republikanët po përballen me gafën e fundit të kandidatit të tyre, e cila ka si sfond seksin. Kjo gafë godet fort edhe në sondazhe.

Sipas një sondazhi të ABC-së, 43% e amerikanëve duan që Donald Trump të tërhiqet nga gara për Shtëpinë e Bardhë.trump1

Presidenti i Konferencës Republikane në Senatin amerikan, John Thune, organizata zyrtare që përfaqëson senatorët në Kongres, i kërkon zyrtarisht kandidatit Trump t’ia lërë vendin kandidatit për zëvendëspresident Mike Pence.

Vetë z.Pence tha dje se nuk mundet ta mbrojë kandidatin për president.

Edhe senatori republikan Mitch McConnell, i cili ka rolin e kreut të shumicës republikane në Senat, bëhet kështu republikani me grada më të larta në parti që i kërkon kandidatit Trump që të bëjë një hap mbrapa dhe të anulojë kandidimin.

Trum kërkon falje, por askush nuk e përfill

Kandidati republikan për president Donald Trump kërkoi ndjesë pas bërjes publike të videos së regjistruar në vitin 2005, ku ai tregon se si u afrohet grave për të kërkuar favore seksuale.

“Kërkoj ndjesë nëse dikush është ofenduar”, duke iu referuar një artikulli të botuar fillimisht në gazetën “Washington Post”, e cila siguroi videon me komentet denigruese të Trumpit rreth grave.

Kur bëri komentet, Trump ishte duke folur me gazetarin Billy Bush të emisionit televiziv “Access Hollywood”, në një bisedë private, në prani të vetëm disa pak personave, në një autobuz që po e çonte Trumpin në emisionin televiziv, në vitin 2005. Trump ndërkohë kishte mikrofonin në trup.

Në regjistrim ai thotë: “Gratë e bukura më tërheqin menjëherë, si me magnet dhe filloj t’i puth. Nuk më pritet, i puth menjëherë”. Dhe më tej vazhdon: “Kur je i njohur, ato të lënë të bësh ç’të duash”.

Trump vazhdon me komente të tjera vulgare ku përshkruan se si u kërkon favore seksuale grave, duke folur në mënyrë shumë të hapur.

Në kohën kur është regjistruar kjo bisedë me një gazetar, zoti Trump ishte i martuar me bashkëshorten e tij të tanishme, Melanian.

Në deklaratën ku kërkon ndjesë Trump thotë se: “Ato ishin biseda private, që ndodhën shumë vite më parë”. Kurse kalon menjëherë në kundërsulm për të shoqin e rivales: “Bill Clinton më ka thënë gjëra shumë më të shëmtuara në fushën e golfit, që as nuk u afrohen këtyre që kam thënë unë”.

Reagimet nga vetë partia që e kandidon, të forta

Kryetari Republikan i Dhomës së Përfaqësuesve, Pol Rajën, tha se ishte i neveritur nga ajo që kishte dëgjuar. Ai njoftoi se kandidati republikan nuk do të marrë pjesë në një konferencë të partisë ku ishte planifikuar të fliste.

Edhe republikanë të tjerë të lartë, si kryetari i Komitetit Kombëtar Republikan, Reince Priebus, i dënuan komentet.

Ngjarja ka bërë jehonë në median sociale, duke u kthyer në armën më të fuqishme që ka patur në dorë deri tani Partia Demokrate për të bindur gratë e pavendosura dhe votues të tjerë që të mbështesin zonjën Clinton.

Sakaq, në zhvillimet e orëve të fundit konstatohet një numër në rritje i republikanëve që po bëjnë thirrje për kandidatin presidencial Donald Trump për t’u larguar nga gara.

Anëtarë të lartë të Komitetit Kombëtar Republikan janë duke eksploruar mundësitë për largimin e tij nga gara, pavarësisht pengesave procedurale dhe faktin se mbetet vetëm një muaj deri në ditën e zgjedhjeve.

“Politico” njoftoi se udhëheqësit republikanë e kaluan fundjavën duke rivlerësuar strategjinë e tyre të zgjedhjeve pas një regjistrimi të Trumpit 11 vjet më parë ku ai bën komente denigruese ndaj grave.

Disa udhëheqës republikanë po tërhiqen nga mbështetja për kandidatin republikan Donald Trump, pas videos së vitit 2005 që u publikua dje, ku ai dëgjohet të bëjë komente denigruese seksuale ndaj grave.

***

Ndërsa në të kaluarën, miliarderi Trump arriti me shumë vështirësi të merrte një mbështetje nga brenda Partisë Republikane, komentet e tij në videon e publikuar bënë që shumë udhëheqës të kësaj partie të deklarojnë se nuk do të votojnë për të.

Disa shtuan se nuk do të votojnë as për kandidaten Hillary Clinton, duke krijuar kështu rrethanat e rrezikshme të mos-hedhjes së votës për asnjërin kandidat, ose për votimin për kandidatë të tretë që nuk kanë shanse për të fituar garën për në Shtëpinë e Bardhë.

Kreu i Dhomës së Përfaqësuesve, Paul Ryan, tha se ndjehet “i neveritur” nga komentet e zotit Trump dhe njoftoi se ai nuk do të marrë pjesë në festivalin e përvitshëm të vjeshtës në shtetin Wisconsin, ku ai ishte i planifikuar të shfaqej së bashkë me zotin Ryan dhe kryetarin e Partisë Republikane, Reince Priebus.

Preibus u shpreh për komentet e zotit Trump se “asnjë grua nuk duhet të përshkruhet kurrë me këto terma”.

Kreu i maxhorancës në Senat, Mitch McConnell tha se “këto komente janë të pështira dhe të papranueshme në asnjë rrethanë” dhe shtoi se zoti Trump duhet t’u kërkojë falje të gjitha grave dhe vajzave.

Kreu i maxhorancës në Dhomën e Përfaqësuesve, Kevin McCarthy, gjithashtu bëri thirrje që Trump të bënte një ndjesë të plotë dhe të padiskutueshme.

Senatori i shtetit Utah, Mike Lee, i bëri thirrje kandidatit Trump të largohet nga gara, duke e cilësuar atë një “shpërqendrim nga çështjet reale me të cilat përballemi sot”.

Senatori Mark Kirk, i cili po kandidon për rizgjedhje në shtetin Illinois, u shpreh në Twitter se zoti Trump duhet të largohet nga gara dhe se Partia Republikane “duhet të vërë në lëvizje rregulloren për një zëvendësim emergjence”.

Komentet e tij u dënuan ndër të tjerë edhe nga ish-kandidatët republikanë Marco Rubio dhe Jeb Bush. Ish-kandidati republikan për president që u përball me Presidentin Obama në vitin 2008, Senatori John McCain, i cili u shpreh se Donald Trump duhet të vuajë personalisht pasojat e sjelljes së tij.

Ligjvënësi i shtetit Utah, Jason Chaffetz, kryetar i Komitetit të Mbikqyrjes së Dhomës së Përfaqësuesve tha se “nuk mundet më të mbështesë me ndërgjegje z.Trump për president”. Zoti Chaffetz tha se komentet e Trump ishin “disa nga më të urryerat dhe nga më ofendueset që mund të imagjinohen”.

Gary Herbert, guvernatori i shtetit Utah, i quajti komentet e zotit Trump “përtej ofezës dhe të papërshkrueshme”.

Konsulenti politik konservator Frank Luntz u shpreh se kjo kasetë do të krijojë dëm real.

Ndërkohë, mediat amerikane transmetuan një mesazh të regjistruar ku Trump kërkon ndjesë për komentet e tij dhe ku premton se do të bëhet një njeri më i mirë.

Megjithëkëtë ndjesë publike, në po të njëjtin mesazh, kandidati Trump përmend se ish-presidenti Bill Clinton, pati “abuzuar realisht me gratë” dhe se bashkëshortja e tij, kandidatja Hillary Clinton, u pati bëri presion viktimave të të shoqit.

Hillary Clintoni i quajti deklaratat “të tmerrshme” dhe tha përmes tweeter-it se “Nuk mund ta lejojmë këtë njeri të bëhet president”.

https://www.youtube.com/watch?feature=player_embedded&v=ihMvO-IrXlQ