Shefat e Policisë nga e gjithë bota mblidhen në Kaliforni, iu tregohen pajisjet më të fundit policore

Edhe Drejtori i Policisë Shqiptare, Haki Çako, po merr pjesë në takimin e Shoqatës Ndërkombëtare të Shefave të Policisë në San Diego të Kalifornisë, në SHBA që nisi në 21 tetor dhe vazhdon deri në 24 tetor.

Çdo vit, konferenca e kësaj shoqate (IACP) sjell risitë e fundit për policitë, nëpërmjet një programi trajnues të përparuar, duke sjellë lektorët më të njohur si dhe ekspozimin më të madh të pajisjeve dhe teknologjisë e zgjidhjet taktike në dispozicion për zbatimin e ligjit.

Kjo konferencë u ofron pjesëmarrësve mundësitë e trajnimit non-stop, nëpërmjet temave të rëndësishme që trajtohen dhe strategjive që kanë dhënë rezultat, pajisjeve inovative dhe teknologjive të reja. Qindra ekspozues nga mbarë bota, sjellin ofertat e tyre të fundit në pajisje e teknologji si dhe ofron mundësi të shumta për vendosjen e lidhjeve të rëndësishme e kontakteve profesionale.

Në këtë konferencë morën pjesë rreth 16 mijë profesionistë të përkushtuar nga agjensi të ndryshme federale, shtetërore e lokale, të shteteve të ndryshme, të cilëve u mundësohet të mësojnë teknikat e reja, të avancojnë njohuritë dhe karrierën e tyre duke i siguruar departamentit të tyre një sukses të vazhdueshëm.

Image