Shembet ura në Indonezi, 9 persona të vdekur dhe 30 të plagosur

Të paktën 9 persona kanë humbur jetën pranë ishullit turistik indonezian Bali, pasi një urë që lidh këtë ishull me dy ishuj të vegjël është shembur, raporton BBC.

Viktimat po kalonin urën gjatë një ceremonie fetare, kur ka ndodhur incidenti fatal, ka deklaruar një oficer i policisë për agjencinë e lajmeve Reuters.

Uji nuk ishte shumë i thellë por disa prej personave kanë humbur jetën për shkak se janë shtypur nga pjesët e urës. Ndërkohë 30 persona të tjerë kanë mbetur të plagosur. Të gjithë raportohet të kenë qenë banorë lokalë.

Ura e shembur lidhte ishujt e Musa Lemboghan dhe Nusa Ceningan, të cilët gjenden në lug-lindje të Balit. Raportohet se në mesin e viktimave janë edhe 3 fëmijë.