Sherr për pronën, vëllai dhunon dhe kanos me thikë vëllanë

Mallakastër, 5 tetor 2016, NOA.al- Sherri për pronën ka bërë që një burrë në Mallakastër të dhunojë vëllanë dhe ta kanosë me thikë.

Myqerem Shehaj, 60 vjeç, banues në lagjen “28 Nëntori”, Mallakastër, u arrestua ditën e djeshme pasi në lagjen “Gllavenica”, për motive pronësie, ka ushtruar dhunë fizike, ka kanosur me thikë dhe ka kërcënuar në telefon vëllanë e tij, I.Shehaj, 49 vjeç, banues në të njëjtën lagje me të.

Konfliktet mes dy vëllezërve ishin të përsëritura ndërsa ditën e djeshme situata ka degraduar, duke bërë që 49- vjeçari të denoncojë të vëllanë.

Ndaj të ndaluarit materialet i kalun Prokurorisë së Fierit për veprat penale “Dhunë në familje”, “Kanosja”, “Prodhimi, mbajtja, blerja apo shitja pa leje e armëve të ftohta”, “Përdorimi me keqdashje i thirrjeve telefonike”.