Sherri për femra në facebook, ja si ndodhi përplasja me armë mes dy grupeve rivale

Një përplasje me armë ka ndodhur mes dy grupesh kriminale në Tiranë pas sherrit në facebook për femra, çka ka sjellë në plagosjen e një 23-vjeçari. Sipas burimeve zyrtare nga policia, nga Seksioni për Krimet e Rënda ndaj Jetës për ngjarjen janë arrestuar:
– Erland Markola, 28 vjeç, banues në Tiranë, i dënuar më parë për “Vjedhje me dhunë”.
– Amarildo Koçeku, 23 vjeç, banues në Tiranë.

Po kështu është bërë shpallja në kërkim e shtetasve:
– Shpëtim Taho, 31 vjeç, banues në Tiranë, i dënuar më parë për “Vjedhje”.
– K. T., 17 vjeç, banues në Tiranë.

Në orët e para të mëngjesit të djeshëm në rrugën “Bedri Karapici”, shtetasit Erlando Markola dhe Amarildo Koçeku, i kanë bërë pritë shtetasit Shpëtim Taho, ku Amarildo Koçeku dyshohet t’i ketë drejtuar një armë zjarri tip pistoletë, në atë moment Shpëtim Taho me makinën e tij tip “Volksëagen”, ka përplasur Amarildo Koçekun.

Nga situata e krijuar ka ndërhyrë nipi i Shpëtim T. shtetasi K. T., i cili ka marrë në banesë një armë zjarri tip automatik dhe dyshohet të ketë qëlluar në drejtim të Erland Markolës dhe Amarildo Koçekut, ku për pasojë ka mbetur i plagosur shtetasi Amarildo Koçeku, i cili ndodhet në S.Q.U. jashtë rrezikut për jetën.

Po më datë 09.10.2016, rretho orës 08:00, është paraqitur dhe ka bërë kallëzim në Komisariatin e Policisë Nr.6, shtetasi Leonard Mixolli, 21 vjeç, banues në Tiranë, i cili ka kallëzuar se më datë 08.10.2016, rreth orës 23:00, në rrugën “Bedri Karapici”, dy persona kanë dalë nga një mjet tip “Mercedes Benz”, duke i drejtuar një armë zjarri tip pistoletë. Nga përshkrimi i personave dhe paraqitja për njohje me anë të fotos, dyshohet se një nga dy autorët të jetë Erland Markola.
Në cilësinë e provës materiale në vendin e ngjarjes janë sekuestruar:

Katër gëzhoja arme zjarri model 56
Një automjet tip “Volksëagen” (në pronësi të Shpëtim Tahos)

Po punohet për kapjen e dy shtetasve të shpallur në kërkim si dhe gjetjen e armëve të dyshuara të përdoruara në këtë ngjarje.

Materialet procedurale i kaluan Prokurorisë Pranë Gjykatës së Shkallës së Parë Tiranë, për veprat penale “Kanosja” dhe “Prodhimi dhe mbajtja pa leje e armëve luftarake dhe e municionit”, në ngarkim të shtetasve Erland Markola dhe Amarildo Koçeku;
Për veprat penale “Tentativë vrasje në bashkëpunim” dhe “Prodhimi dhe mbajtja pa leje e armëve luftarake dhe e municionit”, në ngarkim të shtetasve Shpëtim Taho dhe K. T.