Shezai Rokaj nxjerr “armën sekrete” për kapjen e vendit të kryetarit të LSI: Bën fushatë me gruan e Metës

“Takim i mrekullueshëm sonte i LSI Njësia 8, me deputeten Monika Kryemadhi dhe kandidatin për Kryetar të LSI, prof. Shezai Rrokaj! Faleminderit të gjithë të rejave, të rinjve, grave dhe burrave banorë të Njësisë 8, që janë bërë anëtarë të LSI dhe pjesë e këtij takimi…Te gjithe se bashku, kemi nje premise te sigurt qe LSI Njësia 8 te jete force e pare politike ne zgjedhjet e ardhshme!”

Ky është një nga statuset në FB të kryetarit të LSI-së në njësinë nr.8 në kryeqytet Dritan Ylli. Gjithashtu Ylli me rasti e këtij takimi, ka postuar edhe shumë fotografi nga takimi i organizuar në kuadër të fushatës së njërit prej sfiduesve të Ilir Metës (themeluesit të kësaj force politike) kandidatit për  kryetar Shezai Rokaj. Ajo që bie në sy është shfaqja në krah të tij e deputetes dhe njëkohësisht bashkëshortes së Ilir Metës, Monika Kryemadhi. Ky demonstrim publik në krah të profesorit që zyrtarisht synon të zërë vendin e e njëshit të LSI-së, tregon njëkohësisht edhe deklarimin e votës së Kryemadhit, pro tij.

Pavarësisht se si do të shkojnë punët gjatë votimit, të paktën sipërfaqësisht kjo lëvizje tregon kulmin e diversitetit politik brenda LSI-së.

Edhe në seancën e votimit për ligjin e importit të mbetjeve, ndërkohë që Ilir Meta e braktisë sallën dhe nuk votoi fare, bashkëshortja e tij Monika Kryemadhi bashkë me 14 deputetë të tjerë të kësaj force politike, ngriti kartonin për “pro”.