Shfrytëzonin të miturën për prostitucion, arrestohen motër e vëlla

Dy persona motër e vëlla janë arrestuar nga policia e Durrësit pasi janë kapur në flagrancë duke shfrytëzuar një të mitur për prostitucion.

Burime policore bëjnë me dije se në pranga janë vënë L.P., 17 vjeç, banues në Sukth, Durrës dhe Malvina Skura 19 vjeçe, banuese në Durrës. Dy të arrestuari kanë marrëdhënie familjare midis tyre, konkretisht motër e vëlla nga nëna.

Arrestimi i tyre u bë pasi në bashkëpunim me njëri-tjetrin duke ushtruar dhunë fizike kanë shfrytëzuar për qëllime prostitucioni në hotele të ndryshme në qytetin e Durrësit, një vajzë të moshës 14 vjeçe, me iniciale H.XH.

E mitura kryente marrëdhënie me klientë të cilët i gjenin të arrestuarit kundrejt pagesës 3 000- 5 000 lekë.

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Shfrytëzimi i prostitucionit në rrethana rënduese” në bashkëpunim.