Shkatërrohet fabrika e drogës dhe sekuestrohen 90.000 €, pranga 29-vjeçarit shqiptar

7 urdhër-arreste janë ekzekutuar nga policia italiane kundrejt 7 personave dhe 11 kg drogë janë sekuestruar gjatë hetimeve.

Siç raportojnë mediat lokale, mëngjesin e djeshëm, 6 italianë dhe një 29-vjeçar shqiptar me iniciale M.E., që jeton prej kohësh në Itali, janë arrestuar e më pas janë dërguar në burgun e Frosinone-s. Ndaj tyre ishte lëshuara masa e arrestit me burg nga gjykata e Frosinone-s me kërkesë të prokurorisë.

Hetimet

Hetimet kanë nisur në fillim të tetorit të vitit 2014 dhe deri në mars të vitit 2015 janë mbledhur prova kundër 7 personave të arrestuar. Ata akuzohen për bashkëpunim në trafik droge, përpunim dhe posedim të lëndëve narkotike me qëllim trafikimin.

Në veçanti, është zbuluar ekzistenca e një grupi kriminal, i përbërë nga individë që kanë organizuar një sistem furnizimi, mbajtje, përpunim/transformim e shpërndarje të lëndëve narkotike të tipit kokainë dhe hashash, me bazë logjistike në një banesë në periferi të komunës së Ferentino-s. Anëtarët e grupit kanë fituar shuma të mëdha monetare nga trafiku. Hetimet kanë vlerësuar se vetëm gjatë në gjashtë muaj aktivitet, kanë arritur të gjenerojnë 300 mijë euro në total.

Hierarkia e grupit

Çdo pjesëtar i grupit kishte funksionin e tij.

Organizatorët, kishin detyrë të gjenin sasi të mëdha droge nga tregu vendas, përmes kontakteve të tyre me grosistët që operonin edhe në provinca të tjera. Gjithashtu, ata menaxhonin fabrikën e drogës, ku bëhej përpunimi i saj dhe ndarja në doza, ndërsa një pjesë transformohej në  “crack”.

Grosistët, të cilët në sajë të kontakteve e njohjeve të dinamikave kriminale të specializuara në këtë sektor edhe në të tjera provinca, ishin në gjendje të siguronin furnizimin e drogës dhe të garantonin edhe transportin deri në destinacion nëpërmjet figurave të besuara që kanë detyrën e korrierit.

Korrierë, figura të padyshimta, që tërhiqen nga fitimet e lehta me detyrë transportimin e drogës.

Shitësit e drogës, persona të besuar dhe të afërt me organizatorët. Në vrazhdën e hetimeve janë arrestuar në flagrancë 6 persona, si dhe janë sekuestruar 11 kg hashash, 1 kg kokainë, 90 mijë euro, si dhe peshore e materiale të përdorur për paketimin e drogës.