Shkëlzen Berisha-Tahirit: Nëse u qan hallin atyre që mbjellin kanabis mos iu merr lekët për çdo bimë

Shkëlzen Berisha, djali i ish-kryeministrit Sali Berisha ka reaguar pas deklaratave të Ministrit të Brendshëm, Saimir Tahiri, i cili tha se ‘kolumbianët’ e ashtuquajtur të drogës në Shqipëri janë shqiptarë të varfër, duke përsëritur se i kupton që duan t’i shpëtojnë varfërisë duke mbjellë kanabis.

“Mediat ndërkombëtare e quajnë trafikant droge por Saje qorri u qan hallin atyre që mbjellin kanabis. Nëse e ka sinqerisht duhet më së paku të mos u marrë lekët e t’u bëhet pjesë për çdo bimë që mbjellin”, shkruan Shkëlzen Berisha.

Ai thotë se Tahiri duhet të zbatojë vendimin e gjykatës dhe të paguajë gjobën për shpifje.

“Le të vazhdojë të tjerrë rrena, por më parë të zbatojë vendimin e gjykatës e të paguajë gjobën për shpifje. Është i vetmi ministër në Europë që nuk zbaton vendimin e gjykatës. Aq më tepër tani që ka shitur dhe ‘Audin’ tek ‘hallexhinjtë’ e drogës”, shkruan Shkëlzen Berisha.

One thought on “Shkëlzen Berisha-Tahirit: Nëse u qan hallin atyre që mbjellin kanabis mos iu merr lekët për çdo bimë

  • October 13, 2016 at 4:51 pm
    Permalink

    Tamam e ka then shum te drejt ka autori shkrimit kshuneshtbse jan ber drejtorat e policive neper qarqe me keq se cosa nostra ne vitet 80 ne itali

Comments are closed.