Shkodër, sekuestrohet një sasi kokaine, arrestohen dy persona

Policia e Shkodrës gjatë operacioni të koduar ‘High’ ka goditur një tjetër rast të shpërndarjes së lëndëve të forta.

Mësohet se gjatë një operacioni uniformat blu të Shkodrës kanë bërë të munduar sekuestrimin e 173.6 gr lëndë narkotike e fortë e llojit Kokainë si dhe ka arrestuar poseduesit.

Në prangat e policisë kanë rënë Abdyl Canga, 22 vjeç dhe Aleks Shpendi, 28 vjeç, të dy banues në Shkodër, pasi në bashkëpunim me njëri tjetrin shpërndanin në orët e vona lëndë narkotike.

Gjatë kontrollit të ushtruar ju gjetën dhe u sekuestruan në cilësinë e provës materiale:

-një sasi prej 173.6 gram lëndë narkotike e dyshuar kokainë

-100 000 lekë të reja

-2 aparate celular

-1 peshore elektronike e vogël.

Materialet iu referuan Prokurorisë së Rrethit Gjyqësor Shkodër për veprën penale “Prodhimi dhe shitja e narkotikëve e kryer në bashkëpunim”.