Shpallet vendimi për zgjedhje të parakohshme parlamentare në Maqedoni

Kryetari i Kuvendit të Maqedonisë Trajko Veljanovski shpalli sot edhe zyrtarisht vendimin për zgjedhje të parakohshme parlamentare që do të mbahen më 11 dhjetor.
“Republika e Maqedonisë do të hyjë në një periudhë të ndërlikuar të aktiviteteve të shpeshtuara të partive politike, periudhë kjo e cila sinqerisht besoj se do të kalojë në një atmosferë të dinjitetshme, kulminacion i se cilës do të jenë zgjedhjet më 11 dhjetor, kur me një frymë festive do të duhet të zgjidhen përfaqësuesit e popullit, të cilët do ta formojnë përbërjen e re parlamentare , të nëntën me radhë të Kuvendit të Maqedonisë”, tha Trajko Veljanovski pas shpalljes së zgjedhjeve.