Shpërndarësit e kanabisit ‘në çdo cep’ të Tiranës, arrestohen tre të rinjë

TIRANE – Shpërndarësit e kanabisit duket se operojnë në ‘çdo cep’ të kryeqytetit. Vetëm gjatë ditës së djeshme, Policia e Tiranës ka vënë në pranga tre të rinj, në zona të ndryshme të qytetit, të cilët u kapën në flagrancë me doza kanabisi në xhep.

Sipas njoftimit të policisë, në pranga kanë rënë të rinjtë: Denis V., 29 vjeç, K. S., 17 vjeç dhe Aleksander K., 22 vjeç, të tre banues në Tiranë.

Mësohet se shtetasi 29-vjeçari Denis V., 29 vjeç, u kap në rrugën e “Konferenca e Pezës”, me 3 doza me lëndë të dyshuar narkotike të llojit Cannabis Sattiva.
17-vjeçari K. S., u arrestua në sheshin “Nënë Tereza”, tek shkallët e Universitetit të Politeknikut, me një dozë Cannabis Sattiva, ndërsa Aleksander K., 22 vjeç, u arrestua në flagrancë në rrugën “Medar Shtylla”, me 3 doza me lëndë të dyshuar narkotike të llojit Cannabis Sattiva.