I shpërthen granata në shtëpi, humb jetën mirditori

Një 49-vjeçar nga Mirdita ka humbur jetën një ditë më parë, pasi i ka shpërthyer një granatë në shtëpi. Ngjarja ka ndodhur në Kurbnesh të Mirditës rreth orës 11:00 të paradites së djeshme.

Burime nga policia thanë se Viktor Lleshajt i ka shpërthyer në dorë një granatë këmbësorie.  Lleshaj ka qenë në banesën e tij kur ka ndodhur ngjarja. Ai mësohet se ka ndërruar jetë menjëherë.