Shpërthimi në Gjermani, një i vdekur dhe disa të tjerë të zhdukur

Zjarri dhe tymi ka përfshirë objektet që i përkasin kompanisë gjermane BASF, kompania prodhuese e lëndëve kimike më e madhja në botë, në qytetin e Lampertheim. Lajmi bëhet i ditur nga mediat lokale, të cilat shkruajnë se të paktën një punëtor i kompanisë ka mbetur i vdekur.

Gjithashtu, gazeta gjermane “Bild” shkruan se disa të tjerë janë të humbur mes të cilëve dhe zjarrëfikës. Nga ana tjetër theksohet se nuk ka te dhena per ndonje sulm te mundshem terrorist.

Shkaku i zjarrit nuk është bërë ende i qartë. BASF, e cila punëson më shumë se 122,000 punëtorë nga i gjithë globi, tha se ka informuar autoritetet lokale për incidentin.

Kompania veproi shpejt për të normalizuar situatën dhe duke shuar zjarrin, madje në një deklaratë për mediat theksoi se incidenti në fabrikën kimike nuk përbën kërcënim për mjedisin.