Shqipëri-Spanjë, mund të ndodhë si ndaj Maqedonisë

Kombëtarja Shqiptare do të luajë sot ndeshjen e tretë të vlefshme për eliminatoret e kampionatit Botëror ndaj Spanjës, ndërkohë që atmosfera në skuadrën e drejtuar nga De Biazi duket se mire. Por, nuk mund të thuash të njëjtën gjë për kushtet e motit.

Stadiumi “Loro Boriçi”, i rindërtuar kohët e fundit e ka ende të brishtë tapetin e fushës i cili nuk mund të mbajë ujë. Një gjë e tillë u pa edhe në ndeshjen ndaj Maqedonisë ku ndeshja u ndërpre për t’u luajtur ditën tjetër. E njëjta gjë mund të përsëritet edhe mbrëmjen e sotme, duke qenë se sipas parashikimit të motit në Shkodër do të ketë reshje të dendura shiu dhe shtrëngata në orarin e zhvillimit të takimit.

Në rast se një gjë e tillë do të ndodhte atëherë ankesat e spanjollëve do të ishin edhe më të mëdha duke qenë se më herët e kanë bërë një gjë të tillë për kushtet paraprake të terrenit.

Drejtuesit e FSHF-së, shpresojnë që të paktën këtë herë shërbimi meteorologjik të ketë gabuar, ndërkohë që janë me sytë nga qielli.